A @SanSilvestreStg causará desvíos en todas as liñas o último día do ano

Como cada ano, o vindeiro luns 31 de decembro terá lugar a San Silvestre Santiago, carreira coa que tradicionalmente despedimos o ano en Compostela. Este ano participarán arredor dunhas 2.200 persoas e a cidade adaptarase para dar cabida a este evento. Isto implicará un corte de tráfico no eixo Xoán Carlos I - Senra - Virxe da Cerca, que afectará a todas as liñas do transporte urbano. Lembra tamén que este día os autobuses adiantarán a súa hora de retirada para poder chegar á tempo a comer as doce uvas da sorte ;)

Percorrido da San Silvestre Santiago 2018

➢ 17:45: corte do tráfico no eixo Xoán Carlos I - Senra - Virxe da Cerca. Eixo alternativo: Doutor Teixeiro - avda. de Lugo.

➢ As liñas só sufrirán desvíos na zona centro da cidade. O resto dos percorridos pola periferia serán os habituais.

➢ Praza de Galicia será o punto de referencia para coller o bus urbano na zona do Ensanche:

- #Parada409 (ferretería): nela pararán todos os autobuses de todas as liñas (excepto as #LiñaC2 e a #LiñaC4) que se dirixan en dirección

#Parada409, pza. de Galicia (ferretería), na que
pararán as liñas dirección norte.

norte, coa excepción da #Liña6 cara San Marcos e os circulares C5 e C6, que pararán na outra parada da pza. de Galicia, a #Parada410. Pola súa banda, a #Liña13 non realizará ningunha parada na praza, posto que xirará dende Montero Ríos cara Doutor Teixeiro directamente.

- #Parada410 (Massimo Dutti): nela

#Parada410, pza. de Galicia (Massimo Dutti) na que
pararán as liñas no resto das direccións.

pararán os buses (exceptuando outra vez os das #LiñaC2 e #LiñaC4) que vaian en calquera outra dirección que non sexa a norte. Tamén o farán, aínda que si vaian en dirección norte, a #Liña6 cara San Marcos, a #LiñaC5 e a #LiñaC6.

Casos «especiais»

➢ #Liña6: os buses da #Liña6, en ámbolos dous sentidos de circulación (San Marcos e Os Tilos), irán polo Hórreo ata a #Parada410 (pza. de Galicia, Massimo Dutti). Polo tanto, coincidirán nesta parada os buses que se dirixan cara ambas cabeceiras; haberá que prestar atención ao panel de destino!

➢ #Liña7: rematará o percorrido na #Parada410, sen acceder a Valle Inclán. Esta será o punto de referencia para coller a liña en sentido Aríns / Fornás.

➢ #Liña13: para coller a liña en dirección norte (cara Belvís), non se poderá empregar a #Parada409 coma no resto das liñas; empregaranse as dúas de Xeneral Pardiñas. De tódolos xeitos e ante o amplo percorrido que terá que percorrer o bus desta liña en sentido X. Pardiñas, os 20 min. habituais resultarán —aínda máis— insuficientes, polo que funcionará indo e vindo de xeito continuo, tratando de adaptarse a un horario irreal.

➢ #LiñaC2 e #LiñaC4: estas dúas liñas non poderán realizar o tramo Pombal - San Clemente - Xoán Carlos I. Só quedarán suprimidas as paradas comprendidas entre eses dous puntos e o resto do percorrido será o habitual.

➢ #LiñaC5 e #LiñaC6: ámbalas dúas virán polo Hórreo e despois farán parada na #Parada410 (Massimo Dutti). Logo, a primeira seguirá o seu percorrido habitual pola rúa da Rosa e a segunda irá ata Fontiñas pola avda. de Lugo.

➢ #LiñaC11: aínda que catalogada de circular de forma oficial, o certo é que a #LiñaC11 ben podería ser dividida en dúas viaxes, e de feito así fai TUSSA para indicar os desvíos da mesma: no sentido C.C. As Cancelas - Xeneral Pardiñas o percorrido será o habitual. No inverso, os buses irán, dende a #Parada409 (pza. de Galicia, ferretería), por Doutor Teixeiro e avda. de Lugo ata Fontiñas.

Fontes de información / das imaxes:

San Silvestre Santiago
TUSSA

Google Maps

Horarios de Nadal nos transportes urbano e metropolitano e no AeroBus

Como cada ano en Nadal, os transportes urbano e metropolitano modificarán os seus horarios por mor da celebración da Noiteboa e Nadal e Noitevella e Aninovo: os días 24 e 31 de xaneiro os autobuses retiraranse máis cedo do habitual, mentres que o 25 de decembro e o 1 de xaneiro retrasarase a hora de inicio do servizo.

Transporte urbano

Os luns 24 e 31 de decembro, ao ser días laborables, as liñas do transporte urbano funcionarán como tal. Sen embargo, as últimas saídas adiantaranse ata as 20:30 / 21:00, dependendo en todo caso de cada liña concreta. Estas serán as derradeiras saídas dende cada cabeceira:

Pola contra, os días de Nadal e Aninovo, os primeiros servizos sairán das cabeceiras ao filo das 10:00 da mañá. Ao ser días festivos, só funcionarán as liñas propias dos domingos, que son as seguintes:

AeroBus ✈

A liña da Empresa Freire que conecta o centro da cidade co aeroporto de Lavacolla (en breves xa Rosalía de Catro😋) tamén sufrirá variacións no seu horario:

Días 24 e 31 de decembro: última saída da pza. de Galicia ás 19:00 e dende o aeroporto ás 20:00.

Días 25 de decembro e 1 de xaneiro: a primeira saída dende a pza. de Galicia será ás 10:00 e dende Lavacolla ás 11:00.

Transporte metropolitano

Os horarios do transporte metropolitano tamén se verán afectados durante estes días especiais:

➢ Rúa da Rosa - Bertamiráns - A Gándara:

Días 24 e 31 de decembro: última saída da rúa da Rosa ás 20:45 e último viaxe dende A Gándara ás 21:15.

Días 25 de decembro e 1 de xaneiro: non haberá servizo porque esta liña só funciona os días laborables.

➢ Est. autobuses - Bertamiráns - Negreira:

Días 24 e 31 de decembro: suprímense as últimas saídas dende Santiago (21:45) e dende Negreira (20:45). As alternativas, as saídas da hora anterior (20:45 e 19:45 respectivamente).

Días 25 de decembro e 1 de xaneiro: o servizo comezará á mesma hora que o fai o resto de domingos e festivos do ano, pero suprimirase a saída dende Santiago das 14:45, e a de Negreira das 15:45.

➢ Est. autobuses - Bertamiráns - Noia: 

Días 24 e 31 de decembro: a última saída cara a Noia será ás 20:00 (suprímese polo tanto a das 21:30) e suprímese o servizo Noia → Santiago das 21:00 (sendo o último as 19:00).

Días 25 de decembro e 1 de xaneiro: os primeiros servizos (tanto dende Noia a Santiago como no traxecto inverso) sairán ás 12:00.

Bo Nadal!😄

Nota: foinos imposible contactar con Autobuses de Calo para coñecer os horarios dos autobuses dende / hacia Milladoiro nestas datas de Nadal.

Fontes de información:
TUSSA

Empresa Freire

Monbus

Hermanos Ferrín

Martiño Noriega fala sobre as avarías dos paneis e a nova licitación do contrato do transporte urbano

É unha situación coñecida por todos os habituais do transporte urbano na cidade: os paneis informativos das paradas non funcionan. Non é que estean todos estragados, pero si é verdade que, de forma conxunta, nunca están cen por cen operativos. De feito, poderiamos afirmar e afirmamos que fai máis dun ano dende a última vez que todos funcionaron á vez sen ningunha incidencia. Os actualmente inoperativos —pode que se nos escape algún de zonas máis periféricas—, son os de praza de Galicia nº 3, Pastoriza nº 103A e San Roque (La Salle).

Respecto a isto, Martiño Noriega respondeu o pasado martes en Cope+Santiago a un ouvinte que comunicaba a avaría do panel de praza de Galicia. O rexedor contaba que o tema foi tratado no último Consello de Administración de TUSSA, e que o xerente, José Ramón Mosquera, tomou nota para tentar arranxalo despois de que a concelleira María Antón dese aviso da incidencia. 

A duda que nos xorde a nós é: realmente hai un control do funcionamento dos paneis por parte de TUSSA? É necesario que un/unha concelleiro/a teña que notificar a avaría? Aínda que non esteamos capacitados para responder a esta cuestión, si podemos tirar de arquivo tuiteiro para ilustrar como TUSSA tiraba de demagoxia para xustificar a súa desantención:

Os mellores “inspectores” do servizo sodes os/as usuarias, e por suposto non podemos estar máis a favor de que os conductores e conductoras que están na rúa tamén deberían informar a tempo real. Sen desmerecer por suposto o traballo que fan !!!!!

— maisbus (@maisbus) 16 de outubro de 2018

O certo é que supoñemos —xa só pola nosa insistencia— que TUSSA está ao tanto destes tres paneis que están sen funcionar na actualidade. En teoría, deberían de ser arranxados no menor tempo posible, pero na práctica, algún xa leva máis dun mes inoperativo. Por que sempre estes prazos tan longos? Isto lémbranos a unha cuestión similar: a vivida este verán cunha escaleira mecánica da estación de autobuses, que estivo nada máis e nada menos que ata tres meses parada...

1 de outubro, esta escaleira segue tal que así👇 https://t.co/6PUnTyP3d1

— Bus Compostela 🚍 (@BusCompostela) 1 de outubro de 2018

Novos paneis

O alcalde comentou tamén que se van licitar novos paneis que deberían estar en pleno funcionamento en dous ou tres meses. Gustaríanos pensar que van estar destinados a novas paradas, pero visto o funcionamento dos actuais naquelas nas que xa os temos, todo parece indicar que simplemente substituirán aos avariados.

Así loce actualmente o panel da
#Parada660, cunha brillantez moito
maior ca do seu predecesor.

Isto aconteceu, como único exemplo ata o de agora, co panel da #Parada660, Virxe da Cerca (Praza de Abastos 1): levaba sen funcionar máis dun ano, e este verano por fin substituíuse por un novo, xa que o anterior presentaba problemas de luminosidade (co mínimo raio de sol xa non se podía apreciar nada). Aínda así, houbo pequenos problemas de inoperatividade con el ata fai non máis dun mes. Actualmente, funciona xa sen incidencias.

Nesta foto do panel de
Pastoriza —inoperativo
para variar— pode
apreciarse a «viseira»
que se lle implementou.

Un caso similar acontece co panel da #Parada367, Pastoriza nº 103A: tampouco se vía nada cando lle daba o sol de fronte —practicamente durante toda a mañá—. Para «arranxalo», TUSSA decidiu instalar nel unha peza metálica a modo de viseira, coa finalidade de resgardarlo da luz solar. Na práctica, non serviu absolutamente para nada, xa que seguía sen poder verse a pantalla. Agora que está estropeado, nós agardamos que sexa substituído por un como o de Virxe da Cerca.

Nova licitación: «en breves, e con bastante retraso, deberíase iniciar a contratación do servizo»

Preguntado por se remataremos a lexislatura cos autobuses máis vellos de Galicia, Martiño Noriega respondou que «esperemos que non». Explicou que iso dependerá da nova licitación do contrato, que se atopa na Intervención Xeral dende hai meses. Ao parecer, hai «un novo interventor que está a desbloquear moitos asuntos pendentes do concello», e que sen dúbida o transporte urbano podería ser un máis. De feito, Noriega resalta que «en breves, e con bastante retraso, deberíase iniciar a contratación do servizo». Quedamos á espera para ver, neste 2019, se as promesas feitas se van poder cumprir.

Fontes:

Cope Santiago

O sábado 8, concerto de @helloweenorg e reforzos no transporte urbano

Nunha das semanas máis raras do ano como é esta, coa ponte da Constitución de por medio, en Compostela poderemos gozar do concerto do grupo de heavy metal Helloween. Isto será o sábado 8, día no que tamén se reforzarán algunhas das liñas para «compensar» o festivo do xoves. Do mesmo xeito, o domingo 9 verase reforzada tamén a #LiñaC11.

Concerto de Helloween

 Sábado 8 de decembro

 19:30 (apertura de portas ás 19:00)

Multiusos Fontes do Sar

Aínda que o cartel indique as 21:30, en realidade
o concerto é ás 19:30. Fonte: RockNRock

Para este concerto habilitarase o dispositivo habitual para eventos no Multiusos Fontes do Sar, que consiste en:

#ServizoLanzadeira: segundo a información proporcionada por TUSSA, funcionará de xeito continuado de 17:30 a 20:00. O punto de saída será o habitual: o #CarrilBus da rúa do Hórreo, xusto diante da escalinata que baixa á estación de trens. Ao final do concerto, ao filo das 22:30 se todo marcha como está previsto, o #ServizoLanzadeira funcionará en sentido inverso (Multiusos → avda. de Lugo, cruce co Hórreo).

Con «de xeito continuado» entendemos que serán varios os autobuses que se destinarán á realización deste servizo, polo que deducimos que sempre vai haber polo menos un na cabeceira do Hórreo. Comentar tamén que este servizo é directo, polo que non realizará ningunha parada entre as dúas cabeceiras.

#LiñaC11: como tamén é habitual nesta clase de eventos, a #LiñaC11 prolongarase ata o Multiusos. Desta vez, farao en todas as viaxes con paso aproximado por Xeneral Pardiñas entre as 17:30 e as 20:00 (cada 20 min.).

Aínda que TUSSA nos confirmara en Twitter que o amañaría, o certo é que ata o de agora, os servizos da #LiñaC11 prolongados de xeito extraordinario ao Multiusos non aparecen reflectidos na app. É dicir, consta coma que fan a súa viaxe habitual, o que pode causar confusións aos usuarios que busquen acceder ao recinto en bus...

Entra agora como reforzo para a xente que vai ao Concerto. En todo caso incorporarémolo. Grazas e bo traballo !!!!

— maisbus (@maisbus) 24 de xullo de 2018

A nosa recomendación

Nós recomendamos ir e regresar do Multiusos utilizando o #ServizoLanzadeira: é máis directo, ten (case) asegurada unha frecuencia e non ten problemas de retraso ao ir directo pola avda. de Lugo. Pola contra, a #LiñaC11, só contará con dous autobuses ao ser festivo que, unido ao intenso tráfico que haberá no entorno do C.C. As Cancelas, acabará por derivar en retencións e retrasos. Mellor non arriscarse.

Reforzos para a finde

- Sábado 8

O sábado 8 de decembro, para compensar os horarios de día festivo que xa haberá durante o xoves 6, as seguintes liñas do transporte urbano se verán reforzadas dende o inicio do servizo ata as 15:00:

Liñas 6, 7, C5, C6, P1, P2 e P3

A partir das 15:00, estas liñas tamén terán horario de domingos e festivos.

Por outra banda, a #LiñaC11 terá unha frecuencia de 15-20 min. a partir das 10:00 e ata as 15:30.

- Domingo 9

O domingo 9 de decembro só será reforzada a #LiñaC11 do mesmo xeito en que o fará o sábado: con pasos de 15-20 min. entre as 10:00 e as 15:30.

As restantes liñas terán o domingo horario de domingos e festivos.