Primeiro bus híbrido en Compostela!

O pasado venres eramos testigos dun feito inédito na nosa cidade: a presenza de autobuses híbridos!. Para a nosa sorpresa, puidemos comprobar «in situ» a silenciosa entrada que o King Long E12 Clase II realizaba na rúa da Rosa. Esta xoia é propiedade de Autobuses de Calo, empresa que realiza servizos interurbanos entre Compostela e Milladoiro, Luou e Firmistáns, principalmente. Probablemente sexa herencia da súa empresa irmá, Empresa Boadilla, que presta servizos interurbanos en Madrid e que adquirira catro unidades deste vehículo en 2016.

Comparativa da visibilidade do
panel LED branco fronte aos
paneis do transporte urbano
(panel LED laranxa e panel DOT).

Este autobús mide 12,18 m e ten capacidade para albergar a 41 persoas sentadas e a 7 de pé, así como espazo para unha persoa con mobilidade reducida. Contén cargadores USB para a recarga de dispositivos móbiles e conta cun sistema antibacteriano que reduce ao mínimo as posibilidades de contaxio de enfermidades. No aspecto exterior, o máis rechamante é o seu amplio cristal dianteiro e o panel LAWO LED de cor branca, que mellora notablemente a visibilidade con respecto ao LED laranxa e, por suposto, con respecto aos característicos paneis DOT do noso transporte urbano (incluso algúns teñen as luces de iluminación nocturna estragadas...).

O King Long E12 de Autobuses de Calo opera na ruta Santiago – Firmistáns (concretamente, o día que foi visto —venres 11/01— estaba a realizar as saídas ás horas e media dende a rúa da Rosa).

Fontes de información:

Nexobus.com

Revista Viajeros

Imaxe: Diario de Madrid e elaboración propia

A cabalgata dos Reis Magos provocará retrasos no transporte urbano

Como todos os anos, o próximo sábado 5 de xaneiro as SS.MM. os Reis Magos de Oriente percorrerán as rúas da cidade para tomar nota dos regalos de última hora dos máis cativos. Para poder levar a cabo a cabalgata, será necesario cortar ao tráfico algunhas rúas do Ensanche e o transporte urbano tamén se verá afectado. Imos ver a cronoloxía do evento:

14:00: hora de prohibición de aparcamento no parking da estación de tren, lugar dende onde sairá a cabalgata.

15:00: prohibición de aparcamento nas rúas que forman parte do percorrido da cabalgata: Santiago de Chile (só dende o cruce coa Rosa ata o de Frei Rosendo) >> Frei Rosendo Salvado (entre o cruce con Stgo. de Chile e a pza. Roxa) >> pza. Roxa >> República de El Salvador >> Hórreo (dende o cruce con Rep. El Salvador ata pza. de Galicia).

18:00: hora de saída da cabalgata dende a estación de trens cara o Obradoiro co seguinte itinerario:

Mentres as carrozas estean a percorrer as rúas da cidade, o Concello recomenda aos vehículos evitar o Ensanche. Aqueles que queiran atravesar a avda. de Lugo, é mellor que o fagan empregando o túnel do Hórreo. A rúa Virxe da Cerca —pola que pasan máis do 90% das liñas do transporte urbano— tamén estará pechada ata que remate o desfile, que previsiblemente chegará á pza. do Obradoiro cara ás 19:30.

Transporte urbano

TUSSA nunca prepara ningún dispositivo especial nin para a cabalgata dos Reis Magos nin para o desfile de Entroido. A única indicación oficial é que se informará das «pequenas alteracións» que poidan ter lugar durante a tarde «a través dos paneis informativos».

No entanto, e baseándonos nas experiencias doutros anos, podemos afirmar que o que previsiblemente farán os buses é esperar a que o desfile acabe de pasar pola rúa pola que van circular. É habitual nesta xornada ver longas coles de autobuses ao longo de toda a Virxe da Cerca esperando a poder pasar, cando quizais a opción máis razoable tería sido desvialos pola avda. de Lugo.

Tampouco podemos confirmar nada 100% seguros, xa que nos inquieta iso de que se vai informar a través dos paneis —non nos consta que se fixera nunca antes—. En todo caso, estaremos atentos para ver se de verdade hai unha boa planificación que redunde nunha información clara e sinxela de entender para o usuario. Aínda que de ser así e cun percorrido xa programado de antemán, tampouco entendemos por que non mostrar estas «pequenas alteracións» na web uns días antes.

A nosa recomendación persoal para o 5 de xaneiro é, en definitiva, paciencia. Adoita ser unha tarde de descontrol e desinformación e complicada para moverse en transporte urbano por Compostela. A ver se este ano, por primeira vez, TUSSA consegue que non o sexa —ou, polo menos, non tanto—.😆

Fonte de información:

Concello de Santiago

A @SanSilvestreStg causará desvíos en todas as liñas o último día do ano

Como cada ano, o vindeiro luns 31 de decembro terá lugar a San Silvestre Santiago, carreira coa que tradicionalmente despedimos o ano en Compostela. Este ano participarán arredor dunhas 2.200 persoas e a cidade adaptarase para dar cabida a este evento. Isto implicará un corte de tráfico no eixo Xoán Carlos I - Senra - Virxe da Cerca, que afectará a todas as liñas do transporte urbano. Lembra tamén que este día os autobuses adiantarán a súa hora de retirada para poder chegar á tempo a comer as doce uvas da sorte ;)

Percorrido da San Silvestre Santiago 2018

➢ 17:45: corte do tráfico no eixo Xoán Carlos I - Senra - Virxe da Cerca. Eixo alternativo: Doutor Teixeiro - avda. de Lugo.

➢ As liñas só sufrirán desvíos na zona centro da cidade. O resto dos percorridos pola periferia serán os habituais.

➢ Praza de Galicia será o punto de referencia para coller o bus urbano na zona do Ensanche:

- #Parada409 (ferretería): nela pararán todos os autobuses de todas as liñas (excepto as #LiñaC2 e a #LiñaC4) que se dirixan en dirección

#Parada409, pza. de Galicia (ferretería), na que
pararán as liñas dirección norte.

norte, coa excepción da #Liña6 cara San Marcos e os circulares C5 e C6, que pararán na outra parada da pza. de Galicia, a #Parada410. Pola súa banda, a #Liña13 non realizará ningunha parada na praza, posto que xirará dende Montero Ríos cara Doutor Teixeiro directamente.

- #Parada410 (Massimo Dutti): nela

#Parada410, pza. de Galicia (Massimo Dutti) na que
pararán as liñas no resto das direccións.

pararán os buses (exceptuando outra vez os das #LiñaC2 e #LiñaC4) que vaian en calquera outra dirección que non sexa a norte. Tamén o farán, aínda que si vaian en dirección norte, a #Liña6 cara San Marcos, a #LiñaC5 e a #LiñaC6.

Casos «especiais»

➢ #Liña6: os buses da #Liña6, en ámbolos dous sentidos de circulación (San Marcos e Os Tilos), irán polo Hórreo ata a #Parada410 (pza. de Galicia, Massimo Dutti). Polo tanto, coincidirán nesta parada os buses que se dirixan cara ambas cabeceiras; haberá que prestar atención ao panel de destino!

➢ #Liña7: rematará o percorrido na #Parada410, sen acceder a Valle Inclán. Esta será o punto de referencia para coller a liña en sentido Aríns / Fornás.

➢ #Liña13: para coller a liña en dirección norte (cara Belvís), non se poderá empregar a #Parada409 coma no resto das liñas; empregaranse as dúas de Xeneral Pardiñas. De tódolos xeitos e ante o amplo percorrido que terá que percorrer o bus desta liña en sentido X. Pardiñas, os 20 min. habituais resultarán —aínda máis— insuficientes, polo que funcionará indo e vindo de xeito continuo, tratando de adaptarse a un horario irreal.

➢ #LiñaC2 e #LiñaC4: estas dúas liñas non poderán realizar o tramo Pombal - San Clemente - Xoán Carlos I. Só quedarán suprimidas as paradas comprendidas entre eses dous puntos e o resto do percorrido será o habitual.

➢ #LiñaC5 e #LiñaC6: ámbalas dúas virán polo Hórreo e despois farán parada na #Parada410 (Massimo Dutti). Logo, a primeira seguirá o seu percorrido habitual pola rúa da Rosa e a segunda irá ata Fontiñas pola avda. de Lugo.

➢ #LiñaC11: aínda que catalogada de circular de forma oficial, o certo é que a #LiñaC11 ben podería ser dividida en dúas viaxes, e de feito así fai TUSSA para indicar os desvíos da mesma: no sentido C.C. As Cancelas - Xeneral Pardiñas o percorrido será o habitual. No inverso, os buses irán, dende a #Parada409 (pza. de Galicia, ferretería), por Doutor Teixeiro e avda. de Lugo ata Fontiñas.

Fontes de información / das imaxes:

San Silvestre Santiago
TUSSA

Google Maps